فترشة: عندما ضرب إعصار رجعة بنغازي!


رياح -توضيح-
لما تعدي ساندي من زيارتها لامريكا تجي رجعة اختها الصغيرة , اّور عليها علشان تاخذ منها الخمسة جنيه متاعات مصروف الاسبوع! المشكلة ان رجعة هذي تغلط في الطريق وتخش من البحر وتخبط في بنغازي… وعرب بنغازي طيبيين بكل ومايدوروش في المشاكل لكن رجعة هذي ماغلى عليها تلخبط الدنيا! 
رجعة ماخلت حاجة الا وما قريب طيرتها شكاير وباكوات وحاجات الله اعلم شن هِّنا بصيرة هكِ… تي حتى السيارات زادن طيارة وهن يطيرن من يوم يومهن حتى هما ليبيين ماتوصيهمش….! 
رجعة جاية ولانها تعرف “الاصول” ماجتش ويديها فاضية جايبة معاها شوية مطر وثلج تبروري… الولية غلطانة في العنوان … هي ماتنذريش انَ بنغازي ماعندهش مجاري وان شوارعها بين كل 3سم في فرة وعمق كل حفرة (… حُذف من المحرر لشدة الرعب من العمق!..) … ياحاجة رجعة عليكي وعلى طرابلس فإن هنالك قومٌ قد إستقر فيها تعدادهم 200 او يزيد قد طُليت وجوههم بـ” مكياج” البراءة لتخفي عيوبهم ومطامعهم الشخصية إرمي عليهم القليل من بردك لعلها تزيله من وجوههم ولعلها تُبرد نار الشر في قولوبهم! 
عشت مُفترِشًا… إلى الامام, إلى الأمام!
Advertisements

ضع تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s